ကွန်ပျူတာတက္ကသိုလ်များသို့ ဝင်ခွင့်လျှောက်ထားသူများသည် ဝင်ခွင့်အရည်အချင်းစစ်စာမေးပွဲကို ဝင်ရောက်ဖြေဆိုရမည်။ ယခင်ရရှိခဲ့သော ပညာရေးနောက်ခံအချက်အလက်များ (Matriculation Examination, GED, SAT, IGCSE, တိုင်းရင်းသား/နယ်စပ်ဒေသပညာရေး)နှင့် ဝင်ခွင့်အရည်အချင်းစစ်စာမေးပွဲတွင်ရရှိသော ရလဒ်များပေါ်တွင် အခြေခံလျှက် ကွန်ပျူတာတက္ကသိုလ်များက လက်ခံနိုင်သည့် လူဦးရေကို တက်ရောက်ခွင့် ပေးမည်ဖြစ်သည်။

ဝင်ခွင့်အရည်အချင်းစစ် စာမေးပွဲဝင်ရောက်ဖြေဆိုရန် ပျက်ကွက်သူများကို  ကွန်ပျူတာတက္ကသိုလ်များသို့ ဝင်ခွင့်အတွက် စဉ်းစားပေးမည် မဟုတ်ပါ။

ဝင်ခွင့်အရည်အချင်းစစ်စာမေးပွဲကို အောက်ပါလင့်မှတဆင့် ဝင်ရောက်ဖြေဆိုရမည် ဖြစ်သည်။
ဝင်ခွင့်အရည်အချင်းစစ်စာမေးပွဲ ဖြေဆိုရန်ဤလင့်ကိုနှိပ်ပါ။ (ဝင်ခွင့်စာမေးပွဲ ဖြေဆိုရမည့်အချိန် ကျော်လွန်သွားပါပြီ)

• MES Dashboard တွင် ပြထားသော User Name နှင့် Password ကို အသုံးပြု၍ ဝင်ရောက်ဖြေဆိုရပါမည်။
• ဖြေဆိုနည်းလမ်းညွှန်ကို ဖတ်ရှုရန် ဤလင့်ကို နှိပ်ပါ။

မိမိတို့အတွက် သတ်မှတ်ပေးထားသော နေ့ရက်များတွင်သာ ဝင်ခွင့်အရည်အချင်းစစ်စာမေးပွဲ ဖြေဆိုခွင့်ရမည် ဖြစ်သည်။

• ပထမအသုတ် ဖြေဆိုရမည့်ရက်များ – ၁၉.၁၂.၂၀၂၃ နှင့် ၂၀.၁၂.၂၀၂၃
• ဒုတိယအသုတ် ဖြေဆိုရမည့်ရက်များ –  ၂၁.၁၂.၂၀၂၃ နှင့် ၂၂.၁၂.၂၀၂၃
• ထပ်မံဖြေဆိုခွင့်ပြုမည့်ရက်များ – ၂၃.၁၂.၂၀၂၃ နှင့် ၂၄.၁၂.၂၀၂၃ (အခက်အခဲ အမျိုးမျိုးကြောင့် ပထမအသုတ်နှင့် ဒုတိယအသုတ်များတွင် မဖြေဆိုဖြစ်လိုက်သော ကျောင်းသား/သူများ ပြန်လည်ဖြေဆိုနိုင်မည်)

မိမိတို့ကို ဖြေဆိုရန် သတ်မှတ်ပေးထားသောရက်များအတွင်း ကြိုက်နှစ်သက်ချိန်တွင် ဝင်ရောက်ဖြေဆိုနိုင်သည်။ ဝင်ခွင့်စာမေးပွဲကို လက်ရှိအင်တာနက်လိုင်းများနှင့် လျှပ်စစ်မီး ရရှိမှုအခြေအနေများကြောင့် (၂) ကြိမ် ဖြေဆိုခွင့်ပြုမည် ဖြစ်ပြီး နောက်ဆုံးဖြေဆိုသည့် စာမေးပွဲ၏ ရမှတ်ကိုသာ အတည်ယူပါမည်။

ကျောင်းသား/သူများ ဖြေဆိုရမည့်နေ့ရက်များ၊ အသုံးပြုရမည့် User Name နှင့် Password များကို MES Dashboard ပေါ်တွင် ၁၃.၁၂.၂၀၂၃ ရက်မှစ၍ တင်ထားပေးမည်။ ကျောင်းသား/သူများအနေဖြင့် မိမိတို့ကို သတ်မှတ်ပေးထားသော User Name နှင့် Password များကို မည်သူ့ကိုမှ၊ မည်သည့်အကြောင်းကြောင့်မှ မပေးပါရန် အထူးသတိပေးလိုပါသည်။ စိစစ်ဆဲကာလအတွင်း ကျောင်းသား/သူများအနေဖြင့် စိတ်ရှည်ရှည် စောင့်ဆိုင်းပေးကြပါရန်နှင့် ဝင်ခွင့်ဖြေဆိုရမည့်ရက်မတိုင်ခင် MES Dashboard ပေါ်တွင် ကြေငြာပေးထားမည်။

ထပ်မံသိလိုသည့်အချက်များကို မေးမြန်းလိုပါက အောက်ပါလင့်မှတဆင့် ဆက်သွယ်မေးမြန်းနိုင်သည်။
ဆက်သွယ်ရန်ဤလင့်ကိုနှိပ်ပါ။

ဤစာမျက်နှာကို အချိန်နှင့်တပြေးညီ Update ပြုလုပ်မည် ဖြစ်ပြီး တင်ထားသောအချက်အလက်များသည် ဤစာမျက်နှာတွင် ဖတ်ရှု၍ရသည့်အချိန်မှစ၍ အကျုံးဝင်မည်ဖြစ်ပါသည်။ သို့ဖြစ်ပါ၍ ကျောင်းသား/သူများအနေဖြင့် အလျဉ်းသင့်သလို ဤစာမျက်နှာကို ဝင်ရောက်ကြည့်ရှုကြပါရန် အကြံပေးပါသည်။